အဆင်ပြေမလား

အဆင်ပြေမှာပါလို့ ...
ငါ ပြောတယ်။
ပြီးတော့ စာလုံးအချို့ကို ချရေး
စာရွက်တွေကို ပြန်ဖတ်
ကော်ဖီတစ်ခွက်လည်း ငါသောက်လိုက်သေးတယ်။
ခဏလောက်တော့
ဟိုငေးဒီတွေး
စာပြန်ဖတ် စာပြန်ရေး
ဒီကော်ဖီဘဲ ထပ်သောက်ရင် ကောင်းမလား?
အဆင်ပြေမှာပါလို့ ... ငါပြောတယ်
ငါ့ကိုယ်ငါပါ...
ငါ့တစ်ကိုယ်စာ ကြားရုံဘဲ
ဖြေးဖြေးခြင်း နောက်တစ်ခေါက် ထပ်ပြောတယ်
အဆင်ပြေမှာပါလို့ ...

Personal space

Personal Space ဆိုတာ ရှိတယ် ငါ့ရှင်တို့ရဲ့ ...
အဲ့ဒါလေးလည်း ဂရုစိုက်ကြ...
ခွေးတောင် ချောင်ပိတ်မိသွားရင် အသားကုန်သွားဖြဲပြီး အော်နေတာမျိုးတွေ့ဘူးတယ် ဟုတ်....
နောက်တစ်မျိုးကြ အသံကို မထွက်တော့ဘဲ ငြိမ်သွားတာမျိုး ....
ဘာမှကို ပြန်မပြောဘူး ဘာအသံမှ မထွက်တော့တိုင်း...
တည်ငြိမ်နေတာ တည်ကြည်လိုက်တာလို့ ထင်မနေကြနဲ့ ...
လုပ်ချင်တာလုပ်သွား ဖြစ်ချင်တာဖြစ်တော့ ဆိုပြီး စိတ်ကုန်နေတာမျိုးလည်း ရှိပါ့ ...
အဲ့လို ...

မအေးကိုချစ်လို့ပါ

ရေး - လွှမ်မိုး
ဆို - မာရဇ္ဇ

နွေ.. ပန်းကလေးများ.. တိတ်တခိုး.. အနမ်းနဲ့.. ဝေဆာ.. ပွင့်ဖူး.. ချိန်..
ရွက်စိမ်း.. နုနု.. အချစ်ဖူး.. ကလေးတွေ.. ရှင်သန်.. ပေါက်ဖွားကာ..
ဆန္ဒရှိတဲ့.. တို့ရဲ့.. အသိမှာ.. တနေရာဆီ.. ဝေးကာ.. မမြင်လည်း.. လွမ်း.. တယ်..
မအေးရယ်.. ချစ်လို့ပါကွယ်..

ခဲလုံးကလေး.. ထိခဲ့ဖူးတဲ့.. စာသူငယ်လေးရယ်..
နာကျင်.. ခံစားခဲ့ဖူးရင်.. သူလေ.. မှတ်ထားမယ်..
တို့ကတော့.. မေ့ဖျောက်လို့သာ.. အကြင်နာတွေ.. မပျက်တာ.. ဘာကြောင့်လဲ.. ဟယ်..
မအေးရယ်.. ချစ်လို့ပါကွယ်..

မမြင်သာ.. မခင်သာ.. သူတွေရဲ့.. ကြားမှာ.. ကိုယ်လေ.. ကျန်ခဲ့တောင်.. တမင်တကာ.. ကျောခိုင်း.. လျှောက်လို့.. လမ်းစဖျောက်ကာ.. လေလို.. လွင့်မျော. ချိန်.. နေလို.. ကမ္ဘာလို.. အသင်္ချေ.. ဝေးလွန်းတဲ့.. မြေ.. နေရာဆီလည်းလေ.. ပြေးသွားကြည့်ပါ.. ရှာမှာပဲလေ..

စကားမပြောတဲ့.. လောကကြီးကို.. တိုင်ကာ.. မငိုတော့ပါ..
ပန်းကလေးများ.. မလန်းတဲ့.. အဖြစ်ဟာ.. နေရောင်..မမြင်လို့ပါ..
မငြိမ်းချမ်းတဲ့.. စကားများ.. ပြောကာ.. အကြင်နာတွေ.. မလျော့တာ.. ဘာကြောင့်လဲ.. ဟယ်..
မအေးရယ်.. ချစ်လို့ပါကွယ်..

မယ်တင်

ရေး - အရိုး
ဆို - ဟန်ထူးလွင်

အရင်လိုပဲ ဖုန်တွေကြားထဲ ယိုင်တိုင်တိုင်လှည်းကြီးမောင်းရင်းနဲ့
အရင်လိုပါပဲ အသံကြောင်တတ်တဲ့ မယ်ဒလင်လက်သံစမ်းနေခဲ့
အရင်လိုပါပဲ ချဉ်ပေါင်ဟင်းနဲ့ကြုံရာဝါးပြစ်တဲ့ ဝါးရင်းနဲ့
အဆင်ပြေရင်လည်း ငါတွေးနေရင်းနဲ့ မယ်တင်နင်ငါ့ကိုလွမ်းပါရဲ့
ရောင်နီလာမဲ့ မိုးသောက်တိုင်းငါလွမ်းတယ် နေနီရင်လည်း ထမ်းတော
ထဲက လွမ်းတယ် တောင်ပေါ်တတ်ရင်း ဖက်ခုတ်ရင်းငါလွမ်းတယ်
မယ်တင်နင်လည်း ငါ့ကိုမမေ့ပါနဲ့
အရင်လို်ပါပဲ အိမ်ခေါင်မိုးလည်း ကြယ်ရောင်စုံလင်းလက်တောက်ပဆဲ
အိမ်ပေါ်မှာလည်း ငါခေါ်တင်ထားတဲ့ ပိန်ညောင်ညောင်
ခွေးတစ်ကောင်ရောက်နေတယ်
မရည်ရွယ်ပါဘဲ ပေါင်ဖြစ်သွားတဲ့ နင်မှန်မှန်ချက်တဲ့ ထမင်းအိုးလည်း
အဆင်ပြေမှပဲ ငါပြန်ရွေးမယ် မယ်တင်ငါ့ကို စိတ်မကုန်နဲ့
ဆီကုန်နေတဲ့မီးခွက်ကြီးလည်း လွမ်းတယ် ယောင်ချာချာနဲ့ ဝက်မကြီးလည်း
လွမ်းတယ် ဖုန်တင်နေတဲ့ ကျောက်ပြင်ကြီးလည်း လွမ်းတယ်
မယ်တင် ငါလည်း နင့်ကိုလွမ်းပါရဲ့
ဒီလိုနဲ့ပဲ ရွာမှာရှိတဲ့ လူတွေက မေးငေါ့နှာခေါင်းရှံ့ခဲ့
နင်ပြန်လာမှ အကုန်လိုက်တောင်းမဲ့ ငါယူတဲ့အကြွေတွေဝိုင်းနေတယ်
အရင်လိုပါပဲ ရွာအဝင်လမ်းထဲ ငါမှုင်တွေငေးမောရင်နဲ့ပဲ
အဆင်ပြေရင်တော့ ငါသိပ်လွမ်းလို့ အိမ်အပြန်နင့်ကိုတွေ့ချင်ရဲ့
အလူတွေကလည်း အကြွေးတောင်းရအောင် လွမ်းမယ်
ဗီဒီယိုရုံက ဦးတုတ်ကြီးလည်း  လွမ်းတယ်
ရွာသူတွေလည်း အတင်းပြောရအောင်  လွမ်းတယ်
မယ်တင် ငါလည်း နင့်ကိုလွမ်းပါရဲ့